Мәлумки, 2019-жил елимиздә зор өзгиришләр орун алди. Оттуз жилға йеқин елимизни башқуруп, мәртивимизни ашурған тунҗа Президентимиз Нурсултан Әбиш оғли Назарбаевниң өз ихтияри билән башчилиқтин кетишигә мунасивәтлик Қазақстанниң йеңи Президенти болуп Қасым-Жомарт Тоқаев сайланди.
Тунҗа Президентимиз Н.Ә.Назарбаев әл тизгинини қолға алған пәйттин башлап Қазақстан пәқәт алға қарап илгирилиди. Биз бирлигимиз һәм баравәрлигимиз билән нурғунлиған утуқларға йәттуқ. Тәрәққият көчини башлиған әлләр билән деризимиз тәңәйди. Қазақстан дегән Мустәқил дөләтниң даңқи пүткүл аләмгә пур кәтти. Қисқиси, махтансақ махтанғудәк мәваппәқийәтләргә қол йәткүздуқ.
Йеңи Президентимиз Қасым-Жомарт Тоқаев йеқинда қазақстанлиқларға дәсләпки мураҗиитини йоллиди. Бу мураҗииәт новәттики Президент сайлимини июнь ейиниң тоққузинчи юлтузида өткүзүш һәққидә болди. Шәхсән, Президентимизниң бу мураҗиитини қоллап-қувәтләймән. Шундақла, новәттики сайламниң адил өтидиғанлиғиға ишинимән. Хәйрият, бу қарар елимиз үчүн мошу жилдики иккинчи сәясий өзгириш болмақчи.
Альфийәм АВАКРИЕВА,
Чонжа йезисиниң турғуни
