Бүгін еліміздің қоғамдық-саяси өміріндегі маңызды күндердің бірі – Құрылтай сайлауы өтуде. Бұл күн – әр азаматтың ел тағдырына бейжай қарамай, өзінің азаматтық ұстанымы мен жауапкершілігін білдіретін ерекше сәт. Осыған орай, Ұйғыр ауданының әкімі Бота Елеусізова сайлау учаскесіне келіп, өз таңдауын жасады. Аудан басшысы ел өміріндегі маңызды қоғамдық-саяси үдерістерге қатысу – әрбір азаматтың ортақ Отан алдындағы жауапкершілігінің көрінісі екенін атап өтті. «Бүгін біз еліміздің қоғамдық-саяси өміріндегі маңызды кезеңнің куәсі болып отырмыз. Құрылтай сайлауы – әр азаматқа өз ұстанымын білдіруге, ел болашағына қатысты шешімдерге өзінің көзқарасын танытуға мүмкіндік беретін маңызды үдеріс. Мұндай сәтте қоғамның белсенділігі, азаматтардың жауапкершілігі мен ел тағдырына деген жанашырлығы ерекше маңызға ие. Әрқайсымыздың таңдауымыз – еліміздің ертеңіне деген сеніміміздің көрінісі. Сондықтан барша аудан тұрғындарын қоғамдық өмірден шет қалмай, азаматтық белсенділік танытуға шақырамын», – деді аудан әкімі Бота Серікқызы. Құрылтай сайлауы – қоғам өміріндегі маңызды оқиға. Мұндай кезеңде әр азаматтың азаматтық белсенділігі мен саналы таңдауы елдің қоғамдық дамуына деген ортақ жауапкершілікті айқындайды. Бүгін Ұйғыр ауданының тұрғындары да ел өміріндегі маңызды үдеріске белсенді қатысып, өз таңдауларын жасауда. Бұл – тұрғындардың қоғамдық мәселелерге деген бейжай қарамайтынын, елдің болашағына жауапкершілікпен қарайтынын көрсетеді. Елдің ертеңі – ортақ жауапкершілік. Ал саналы таңдау мен азаматтық белсенділік – тұрақты даму мен жарқын болашаққа бастайтын маңызды құндылықтардың бірі.
