Әр кезеңнің өз жауапты сәттері болады. Менің ойымша, 23 тамыз – еліміздің болашағына қатысты маңызды шешімдер қабылданатын сондай күндердің бірі. Құрылтай сайлауы – халықтың ел өміріне араласуына, өз пікірін білдіруіне және мемлекетіміздің одан әрі дамуына қатысты өз таңдауын жасауына мүмкіндік беретін маңызды саяси үдеріс. Сондықтан бұл күнге әр азаматтың жауапкершілікпен қарауы қажет деп есептеймін. Елдің дамуы тек мемлекеттік органдарға немесе жекелеген азаматтарға ғана байланысты емес. Қоғамның әр мүшесі өз үлесін қосқанда ғана ортақ мақсаттарға қол жеткіземіз. Өз таңдауымызды жасау, азаматтық белсенділік таныту – ел болашағына деген жауапкершіліктің бір көрінісі. Мен Құрылтайдың қоғамдағы маңызды мәселелерді талқылап, халықтың пікірін жеткізетін тиімді алаң болатынына сенемін. Себебі елдің дамуына қатысты шешімдер халықтың ой-пікірімен, қоғамның нақты ұсыныстарымен ұштасқанда ғана нәтижелі болады. Бүгінгі таңда Қазақстанға ең қажеті – тұрақтылық, өзара түсіністік және ортақ мақсатқа жұмыла білу. Әр азамат ел болашағына өз көзқарасын білдіріп, маңызды саяси үдерістерден тыс қалмағаны жөн. Осыған байланысты барша азаматтарды 23 тамыз күні өтетін Құрылтай сайлауына қатысуға шақырамын. Бұл – өз таңдауымызды білдіріп, ел болашағына деген көзқарасымызды танытатын маңызды мүмкіндік. Ел болашағы – бүгінгі азаматтық ұстанымымыздан басталады. Сондықтан 23 тамызда баршаңызды белсенділік танытып, сайлауға қатысуға шақырамын!
Еліміздің келешегі кемел, ел бірлігі берік болсын!
Ұйғыр аудандық Ұйғыр этномәдени орталығының төрағасы Сеналов Арлен
