Бүгін еліміз үшін маңызды Конституциялық референдумда ауылымыздың белсенді тұрғыны, туған күн иесі, «1000 баланың анасы» атанған Көпжасарова Өрлесін апамыз таңертең ерте келіп, алғашқылардың бірі болып дауыс берді.
Өрлесін апамыздың бұл қадамы – ел болашағына бейжай қарамайтын азаматтық белсенділіктің жарқын үлгісі. Туған күнімен тұспа-тұс келген осы күнде апамыз елдің дамуы мен келешегі үшін өз таңдауын жасап, көпшілікке үлгі көрсетті.
Құрметті Өрлесін апамызды туған күнімен құттықтай отырып, зор денсаулық, ұзақ ғұмыр, отбасыңызға амандық тілейміз. Сіздің белсенділігіңіз бен өмірлік өнегеңіз баршаға үлгі!