Шарын ауылдық округінде халықпен кездесу өтті

Шарын ауылында тұрғындармен «Адам құқықтары мен бостандықтары: Конституцияның жаңа редакциясында азаматтардың құқықтары мен бостандықтарын қорғау қалай қамтамасыз етіледі?» тақырыбында кездесу өтті. Кездесудің негізгі мақсаты – Конституциядағы өзгерістер мен толықтырулар аясында азаматтардың құқықтары мен бостандықтарын қорғау тетіктерін түсіндіру, құқықтық сауаттылықты арттыру және тұрғындардың пікірлері мен ұсыныстарын тыңдау болды. Кездесу барысында  барысында Конституцияның жаңа редакциясында адам құқықтары мен бостандықтарын қорғауға ерекше мән берілгені атап өтілді. Атап айтқанда, заң үстемдігін нығайту, әрбір азаматтың құқықтарын қорғау кепілдіктерін күшейту, мемлекеттік органдардың халық алдындағы жауапкершілігін арттыру мәселелері талқыланды. Сонымен қатар, кездесуге қатысушылар өздерін толғандырған сұрақтарын қойып, құқықтық мәселелер бойынша нақты түсіндірмелер алды. Ашық диалог форматында өткен кездесу барысында тұрғындар өз ұсыныстарын айтып, қоғамдағы өзекті мәселелерді талқылады. Осындай кездесулер азаматтар мен мемлекеттік органдар арасындағы байланысты нығайтып, қоғамдағы құқықтық мәдениетті қалыптастыруға және әрбір адамның құқықтары мен бостандықтарын тиімді қорғауға бағытталған маңызды қадам болып табылады.