Жаңа Конституция – мемлекеттің болашағын айқындайтын аса маңызды құжат. Ол қоғамдағы тұрақтылықты сақтауға, азаматтардың құқықтары мен бостандықтарын қорғауға бағытталған негізгі заң болып табылады. Конституция – елдің дамуы мен өркендеуінің бағытын көрсететін басты бағдар.
Бұл құжат әрбір азаматтың мемлекет өміріндегі орнын айқындайды. Халықтың пікірін ескере отырып қабылданатын мұндай маңызды шешімдер қоғамдағы жауапкершілік пен бірлікті күшейтеді. Себебі ел тағдырына қатысты мәселеде әр адамның ойы мен ұстанымы маңызды.
Жаңа Конституция қоғамның сұранысына сай, заман талабына сәйкес болуға тиіс. Ол мемлекет пен халық арасындағы сенімді нығайтып, әділдік қағидаларын бекемдейді. Әр азамат өз құқығын біліп қана қоймай, ел дамуына үлес қосуға дайын болуы керек.
Сондықтан мұндай маңызды құжатқа бейжай қарамай, оның мәнін түсіну – әрқайсымыздың азаматтық борышымыз. Бірлік пен жауапкершілік болған жерде мемлекет те нығая түседі. Ал берік құқықтық негізі бар елдің болашағы әрқашан жарқын болады.
Ұйғыр аудандық мәслихат депутаты Ермухаметова Салтанат Ешмұхаметқызы
