ҚР Президенті Қасым-Жомарт Тоқаевтың бастамасымен «Таза Қазақстан» экологиялық акциясының «Мөлдір бұлақ» атты бесінші апталығы аясында Шарын өзенінің Сарытоғай бөлігіндегі өзен сағасын қалдықтар мен қоқыстардан тазарту жұмыстары жүргізілді. Акцияға Мемлекеттік мекемелердің қызметкерлері ғана емес, аудан тұрғындары мен белсенді жастар да қатысты.
«Мөлдір бұлақ» апталығы барысында «Шарын мемлекеттік ұлттық паркінің» директоры — Г.Нысанбаева, Ұйғыр аудандық қоғамдық кеңестің төрағасы — Қ. Бекмұханбетов, Шошанай орта мектебінің оқушысы (жазушы) -С. Ержанқызы спикерлер ретінде сөз сөйледі.
Акция басталғаннан бері Ұйғыр ауданы әкімдігінің ішкі саясат бөлімі барлық өткізілетін іс-шаралардың үйлестірушілері болып табылады.
Экоакция шеңберінде дәл осындай сенбіліктер ауданның барлық ауылдық округтерінде өткізілетін болады. Мақсаты тек тазарту ғана емес, сонымен бірге туған жерге деген сүйіспеншілік пен құрмет сезімін ояту, өйткені туған елге деген сүйіспеншілік табиғатқа деген сүйіспеншіліктен басталады.
