Бұл бастама – қоршаған ортаны қорғауға бағытталған маңызды әрі үлгілі іс-шаралардың бірі. “Таза өлке” акциясы табиғатты аялау мәдениетін қалыптастырып қана қоймай, қоғамның экологиялық жауапкершілігін арттыруға үлкен үлес қосып отыр. Әсіресе, Шарын шатқалы сияқты бірегей табиғи нысандардың тазалығын сақтау – келешек ұрпаққа аманат.

Осындай ауқымды шараға 700-ден астам адамның қатысуы халықтың табиғатқа деген жанашырлығын көрсетеді. Бұл – бірлік пен ортақ мақсат жолындағы нақты қадам. Алдағы уақытта да мұндай игі бастамалар жалғасын тауып, еліміздің әр өңірінде кеңінен қолдау табады деген сенім бар.

АУДАНДЫҚ ЖУРНАЛИСТЕР КЛУБЫНЫҢ МҮШЕСІ СЕМБЕКҚЫЗЫ ПЕРИЗАТ