“Таза Қазақстан” жалпыұлттық экологиялық акциясы аясында Шарын мемлекеттік ұлттық табиғи паркі аумағында “Таза өлке” акциясы ұйымдастырылды.

Аталған іс-шара барысында қатысушылар Шарын шатқалына саяхат жасай отырып, ұлттық парк аумағын қоқыстан тазарту жұмыстарына белсенді қатысты. Тазалық шараларының нәтижесінде парк аумағынан 0,3 тоннаға жуық қоқыс жиналып, сыртқа шығарылды.

Жалпы акцияға 730-ға жуық адам қатысты. Іс-шараның негізгі мақсаты – ұлттық парк аумағын қоқыстан тазарту, қоршаған ортаны қорғау және халықтың экологиялық мәдениетін арттыру.