Конституция – ел өміріндегі ең маңызды құжаттардың бірі. Ол қоғамдағы негізгі қағидаларды айқындап, азаматтардың құқықтары мен міндеттерін нақты көрсетеді. Сондықтан Конституцияның қабылдануы әрдайым ел тарихындағы маңызды кезең болып саналады.
Жаңа Конституция халықтың үніне құлақ асу, азаматтардың пікірін ескеру сияқты қағидалардың маңызын арттыра түседі. Бұл қоғамдағы сенімді нығайтып, елдің болашағына деген ортақ жауапкершілікті күшейтеді.
Бірлігі бекем, заңға құрметі жоғары қоғам ғана алға қадам басады. Сондықтан мұндай маңызды құжатқа қолдау білдіру – елдің ертеңіне деген сенімнің белгісі.
Ұйғыр аудандық Аналар кеңесінің төрағасы Г. Аликеева
