Дөләт рәһбиримизниң «Келәчәккә нишан: мәнивий йеңилиниш» намлиқ мақалиси йоруқ көргәндин буян елимиздә көплигән көзгә көрүнәрлик иш-чариләр әмәлгә ашмақта. Униңдики «Рухани жаңғыру» бәшжиллиқ программисиға киридиған 4 ички программа бизниң наһийәдиму оңушлуқ орунланмақта. Улар «Рухани қазына», «Тәрбие және білім», «Атамекен», «Ақпарат толқыны» дәп атилиду.
Һәр бир ички программиниң өз алдиға мәхсәт-вәзипилири бар. Мәсилән, қазақстанлиқларни вәтәнпәрвәрликкә чақиришқа қаритилған «Атамекен» программиси бойичә шәһәрләр билән йезиларни гүлләндүрүш, иҗтимаий нишанларни йеңи заманивий җабдуқлар билән тәминләш, қайта җөндәш, қурулуш ишлирини жүргүзүш қатарлиқ ишлар қолға елинмақта. Җүмлидин, дәл мошу йөнилиштә пат йеқиндила Ават йезисида яхши бир башланма йолға қоюлупту.
Ишниң ениқ-қениғини билиш үчүн, Ават йезилиқ округи һакими аппаратиға хәвәрләшкән едуқ. Җавапкәр мутәхәссисләрниң ейтишичә, Ават йезисида «Атамекен» кичик программиси асасида Г.Илиев кочисиниң йоллиға қум-таш төкүлүп, тәкшилинипту. Алдики вақитта бу түркүмдики ишларни давамлиқ җанландуруш реҗилиниветипту.
Хулләс, мәнивий йеңилиниш даирисидә наһийәмиздики атқуруливатқан ишларниң нәтиҗиси хуш қиларлиқ. Чүнки мәнивий йеңилиниш даирисидә Қазақстанниң һәр бир пухраси һәм һәр бир өлкиси йеңиланмақта.
Сабирәм
ӘНВӘРОВА
