2025 жылдың 15 наурыз күні Ұйғыр ауданы Мансап орталығының ұйымдастыруымен бос жұмыс орындары жәрмеңкесі өткізілді.
Іс-шара барысында Мансап орталығының мамандары қатысушыларға еңбек нарығын дамытудың 2024–2029 жылдарға арналған тұжырымдамасы аясында іске асырылып жатқан мемлекеттік қолдау шаралары туралы кеңінен ақпарат берді. Жәрмеңкеге ауданның жұмыссыз тұрғындары белсенді түрде қатысты. Қатысушылар өздері үшін қолайлы жұмыс орындарын қарастырып, мамандардан кеңес алып, еңбек нарығының мүмкіндіктерімен танысты.
Осындай іс-шаралар тұрғындарды жұмыспен қамтуға жәрдемдесіп, азаматтарға тұрақты табыс табуға және кәсіби дағдыларын жетілдіруге мүмкіндік береді.
