Ұйғыр ауданы, Бахар ауылдық округінің әкімі Мадамилов Мақсат Серікбайұлы дауыс берді
Ұйғыр ауданында өтіп жатқан референдумға аудан тұрғындары белсенді қатысуда. Солардың қатарында Ұйғыр ауданы Бахар ауылдық округінің әкімі Мақсат Серікбайұлы да бар. Ауылдық округ әкімі сайлау учаскесіне келіп, өзінің конституциялық құқығын пайдаланып, дауыс берді. Ол мұндай маңызды қоғамдық-саяси шараларда әрбір азаматтың белсенді қатысуы ел болашағы үшін маңызды екенін атап өтті.
Мақсат Серікбайұлының айтуынша, референдум ауылдық округте заң талаптарына сай, тыныш әрі ұйымдасқан түрде өтуде. Сайлау учаскелерінде тұрғындардың еркін дауыс беруіне барлық қажетті жағдай жасалған.
Ауылдық округ әкімі азаматтарды ел тағдырына бейжай қарамай, қоғамдық маңызы бар шараларға белсенді қатысуға шақырды.
