«Бірлікте үн қосқан» облыстық фестивалінде Ұйғыр ауданының өнерпаздары жоғары нәтиже көрсетіп, шығармашылық шеберліктерін танытты. Фестиваль қорытындысы бойынша Шахинам Курбанова «Үздік орындаушы» номинациясымен марапатталса, «Арзу» халықтық ән-би ансамблі «Шығармашылық ұжым» номинациясына ие болды. Бұл жетістіктер – өнерпаздардың тынымсыз еңбегі мен шығармашылық ізденісінің, ұлттық өнерді дамытуға қосқан үлесінің нәтижесі. Ән мен биді өнердің ортақ тіліне айналдырған өнер иелері көрерменге мәдени мұраның байлығын танытып, шығармашылық әлеуеттерін көрсетті. Ұйғыр ауданының өнерпаздарын лайықты марапаттарымен құттықтаймыз! Алдағы уақытта да өнерлеріңіз өрге жүзіп, шығармашылық табыстарыңыз арта берсін!