МЕМЛЕКЕТТІК ҚЫЗМЕТ – АБЫРОЙЛЫ МІНДЕТ

Мемлекеттік қызметті атқару қоғам мен мемлекет тарапынан ерекше сенім білдіру болып табылады және мемлекеттік қызметшілердің қызметтік этикасына жоғары талаптар қояды.

Мемлекеттік қызметшілер өз қызметінде қоғамның мемлекеттік органдарға деген сенімін нығайтуға, мемлекеттік қызметте өзара қарым-қатынастардың жоғары мәдениетін қалыптастыруға және парасаттылық атмосферасын құруға ықпал етеді.

Қоғам мемлекеттік қызметші өзінің барлық күш-жігерін, білімі мен тәжірибесін өзі жүзеге асыратын кәсіби қызметіне жұмсайды, өзінің Отаны – Қазақстан Республикасына қалтқысыз әрі адал қызмет етеді деп сенеді.

Әдеп жөніндегі уәкілдердің мемлекеттік қызметшілердің бұзылған құқықтарын қорғау және қалпына келтіру және әдеп деңгейін қалыптастыру саласында азаматтық қоғам институтымен өзара іс-қимылы бойынша 2024 жылы аудан әкімі аппараты, аудандық бөлімдер мен аудан аумағындағы ауылдық округтің мемлекеттік қызметкерлерімен мемлекеттік қызметкерлердің әдеп кодексі нормаларын сақтау, жұмыстан тыс уақытта қызметтік автокөлікті пайдаланбау, еңбек жағдайын жақсарту бойынша барлығы6 семинар-кеңес ұйымдастырылды.

2024 жылдың 11 айында 32 жеке қабылдау ұйымдастырылып, оның ішінде 11 қабылдау көшпелі семинар ұйымдастырылды.

Барлығы 28 жеке-консултациялық көмек көрсетілді, оның ішінде мемлекеттік қызметшілер саны 16. Жеке қабылдауда болған азаматтарда мемлекеттік қызметке орналасу, мемлекеттік қызметкерлердің әлеуметтік қамсыздандырылуы, мемлекеттік қызметкерлердің жұмыс ауқымына байланысты үстеме ақы төлеу, мемлекеттік қызметкерлерге қосымша педагогтық жұмыспен айналысу, азаматтық және техникалық қызметкерлердің жалақысының қашан көбейетіндігі, мемлекеттік қызметкерлерге мемлекет тарапынан тұрғын-үймен қамтылуы туралы сұрақтар көтеріліп, заң талаптарына сәйкес түсіндіріліп, қолданыстағы заңдар негізінде сол жерде ауызша жауаптар берілді.

Аудандағы бөлімдер мен ауылдық округ ұжымдарындағы моральдық -психологиялық ахуалды анықтау мақсатында үнемі анонимдік сауалнама жүргізіліп отырады.

Әрбір мемлекеттік қызметші мемлекеттік қызметтің әдептік қағидаттары мен қызметтік әдеп стандарттарына сай қызмет атқарып отырған ұжымда қолайлы моральдық-психологиялық ахуал жасауға бағытталған шаралар қабылдап, еңбек тәртібін қатаң сақтап, азаматтармен қарым-қатынаста әдептілік танытып, әдепсіздік және бейәдеп мінез-құлық фактілеріне жол бермеуі талап етіледі.

Мемлекеттік қызметші қызметтік міндеттерді орындау барысында сырт келбеті мемлекеттік аппараттың беделін нығайтуға, ресмилікпен, ұстамдылықпен және ұқыптылықпен ерекшеленетін жалпыға бірдей қабылданған іскерлік стиліне сай болуы қажет.

Қазақстан Республикасы Президентінің 2015 жылғы 29 желтоқсандағы №153 Жарлығымен бекітілген Қазақстан Республикасының мемлекеттік қызметшілері әдеп кодексінің 6-тармағының 8) тармақшасына сәйкес, мемлекеттік қызметшілер мемлекеттік меншіктің сақталуын қамтамасыз етуге, мемлекеттік мүлікті тек нысаналы мақсаты бойынша, лауазымдық міндеттерін және рұқсат етілген қызмет түрлерін орындау үшін пайдалануы тиіс.

Жоғарыда көрсетілген талаптарға сәйкес мемлекеттік қызметші жұмыс регламентіне сәйкес еңбек тәртібін қатаң сақтауға, қызмет барысында сырт келбеті іскерлік стиліне сай болуға және мемлекеттік мекеме басшылары мемлекеттік автокөлікті тек қызметтік мақсатта дәлелді құжаттармен пайдалануды қамтамасыз етіп, жұмыс уақытынан тыс уақытта, демалыс күндері қызмет бабымен пайдаланған жағдайда заңнама нормаларына сәйкес тиісті құжаттарды рәсімдеуі қажет екендігін хабарлайды.

Е.АЙДАРХАНОВ,

Аудан әкімінің аппарат басшысы