Табиғатты қорғау – ортақ міндет

«Таза Қазақстан» республикалық экологиялық акциясы аясында Шарын мемлекеттік ұлттық табиғи паркінің кеңсе аумағында сенбілік ұйымдастырылды. Іс-шара барысында ұлттық парк қызметкерлері аумақты тазарту, абаттандыру және санитарлық жағдайын жақсарту жұмыстарына белсене қатысты. Қызметкерлер кеңсе аумағын ретке келтіріп, тазалық жұмыстарын жүргізіп, қоршаған ортаның көрікті әрі таза болуына өз үлестерін қосты. Шарын мемлекеттік ұлттық табиғи паркі – табиғи байлықты қорғау мен экологиялық мәдениетті қалыптастыруда маңызды орын алатын ерекше аумақ. Сондықтан оның аумағының тазалығы мен көркейтілуіне жауапкершілікпен қарау – ортақ міндет. «Таза Қазақстан» акциясы аясындағы мұндай шаралар тазалықты сақтаудың маңызын насихаттап қана қоймай, табиғатты қорғау мәдениетін қалыптастыруға ықпал етеді. Әрбір тазалық жұмысы – қоршаған ортаға деген жанашырлықтың нақты көрінісі. Таза табиғат – таза болашақ. Қоршаған ортаны қорғауға және туған өлкенің тазалығын сақтауға бірге атсалысайық!