![](https://qaradala.kz/wp-content/uploads/2024/06/7c174e0f-bbc2-41ea-a839-f04fc307b59d-850x491.jpg)
Алматы облысының әкімдігі мен «Аспан ФМ» радиосы бірлесіп, ағымдағы жылдың 8 маусым күні Алматы облысының орталығы Қонаев қаласында облыс орталығының екі жыл толуына орай «ASPAN FEST» фестивалі өткізілді!
Фестивальде Музарт, Әбдіжаппар Әлқожа, Серік Ибрагимов, Еркеш Хасен, «Үшқоңыр» фольклорлық-этнографиялық ансамблі және қазақ эстрадасының басқа да көптеген жарық жұлдыздары өнер көрсетті. Алаңға 12 мыңнан аса адам жиналды.
Сондай-ақ, шара аясында көпшілікке түрлі сыйлықтар ойнатылып, Алматы облысының қолөнер шеберлерінің жәрмеңкесі ұйымдастырылды.
Алматы облысының мәдениет, архивтер және құжаттама басқармасының басшысы Д.Әлиев өз сұхбатында: Бұл фестивальдің тек бастамасы ғана! Жаз бойы әр сенбі сайын қала тұрғындары мен қонақтарын дәл осы алаңда елімізге танымал әншілердің өнерін тамашалауға шақырамыз! – деді.