Басты бет Спорт Жанқош Тұраров кәсіби рингте 21-ші жеңісіне қол жеткізді

Жанқош Тұраров кәсіби рингте 21-ші жеңісіне қол жеткізді

0
1,207

АҚШ-тың Флорида штатында өнер көрсеткен қазақ боксшысы Жанқош Тұраров (21-0-0, 14 KO) мексикалық боксшы Густаво Гарибаймен (13-8-2, 5 KO) жұдырықтасып, қарсыласын айқын басымдықпен жеңді, деп хабарлайды Baq.kz тілшісі.

 Жеңілістің кермек дәмін татып көрмеген Жанқош Тұраров бұл жолы да өз бабында екендігін дәлелдеді. Ол алғашқы раудтан-ақ мексикалық боксшыны ауыр соққылардың астына алып, сауатты қорғана білді. Қарсыласы да қарап қалған жоқ. Бірнеше соққысын дөп тигізді. Қос қарсылас арасындағы жекпе-жек 3 раундқа созылды. Жанқоштың ауыр соққысы қарсыласын есеңгіретіп тастады. Густаво есін жиып, еңсесін тіктегендей көрінген. Алайда төреші жекпе-жекті тоқтатуға шешім қабылдады. Нәтижесінде қазақ боксшысы техникалық нокаутпен жеңіске жетті. Бұл Жанқоштың кәсіби рингтегі 21-ші жеңісі. Ол осыған дейін 14 кездесуін мерзімінен бұрын аяқтаған.

Мексикалық боксшы Густаво Гарибай кәсіпқой бокстағы мансабын 2008 жылы бастаған. Осы аралықта ол 21 кездесу өткізіп, оның 14-інде жеңіске жеткен. 5 жекпе-жегін нокаутпен ұтқан. 8 кездесуінде жеңіліс тапқан. Оның лақап аты – «Дәрумен» (Vitaminas).

Кәсіби бокс кеші Флорида штатындағы «Бока-Ратон» спорт кешенінде өтіп жатыр. Кездесуді «Қазақстан» және Kazsport арналары көрсетуде.

Енді шаршы алаңға Қанат «QAZAQ» Ислам шығады (23-0, 19 КО). Ол мексикалық Норберто Гонсалеспен (23-8, 13 КО) жұдырықтасады. Жекпе-жектің жеңімпазы бірінші орта салмақта WBO NABA және WBA Intercontinental белбеулеріне ие болады.

 

Добавить комментарий

Ваш e-mail не будет опубликован. Обязательные поля помечены *

БАСҚА ЖАҢАЛЫҚТАР

AMANAT CUP: Алматы облысында футзалдан депутаттар арасында турнир өтті

Доп додасында 10 команда бақ сынады, деп хабарлайды облыстық AMANAT партиясының баспасөз қ…