Тасқарасу ауылында өткен жылы «Маленькая страна» балабақшасы ашылған. «Рухани жаңғыру» аясында «Маленькая страна» балабақшасында бүлдіршіндердің мәдениетін, тілін, дінін, салт-дәстүрін, патриоттық сезімін жандандыра түсіру үшін «Біз бақытты баламыз» атты ертеңгілік өткізілді. Бұл ертеңгілікте Қазақстанның Гимні орындалып, Отан туралы және тіл туралы сезімдерін өлең жолдарымен жеткізді бүлдіршіндер. Ән, әртүрлі ойындар ойнатылып, балалардың қабілеттері де байқалды. Бала-бақша ашып, жұмыс беріп отырған Даутова Халидам апайымызға алғысым шексіз. Ол кісінің балаларға деген көзқарасы өте жоғары. Балаларды ағылшын тіліне баулып, математика ғылымына жетелеуде. Осы балабақшада болашақ иелеріне саналы тәрбие беріп отырған барлық тәрбиешілердің жұмысына табыс тілейміз.
Гүлбаршын ҚАБЫЛБЕКОВА,
Тасқарасу ауылдық кітапханасының
кітапханашысы
