Қырғызсай ауылдық округінде «Жаңа кезеңге қадам: нәтижелерді тиімді іске асыру» тақырыбында тұрғындармен кездесу өткізілді.
Кездесу барысында Конституцияның қоғамдағы орны мен маңызы, заң үстемдігін қамтамасыз ету бағытындағы жұмыстар, сондай-ақ қабылданған шешімдерді тиімді жүзеге асыру жолдары кеңінен талқыланды. Аталған жиында жаңа кезеңдегі даму бағыттары, елдегі оң өзгерістер мен бастамалардың мазмұны тұрғындарға жан-жақты түсіндірілді. Сонымен қатар, ауыл тұрғындары өздерін толғандырған мәселелер бойынша пікір білдіріп, ұсыныстарын ортаға салды. Кездесу ашық форматта өтіп, қатысушылар арасында еркін пікір алмасу орын алды. Тұрғындардың ой-пікірлері мен ұсыныстары алдағы жұмыстарды жетілдіруге негіз болатыны атап өтілді. Кездесудің басты мақсаты – Конституцияда айқындалған қағидаттарды кеңінен насихаттау, қоғамдағы тұрақтылық пен заңдылықты нығайту, сондай-ақ жаңа кезеңдегі бастамаларды тиімді жүзеге асыруға тұрғындардың белсенді қатысуын қамтамасыз ету. Кездесу қорытындысында қатысушылар аталған бағыттағы жұмыстардың маңыздылығын атап өтіп, ортақ мақсаттарға қол жеткізу үшін бірлесіп әрекет ету қажеттігін жеткізді.
