Күні кеше ғана Мемлекет басшысы Қасым-Жомарт Тоқаев мәлімдемесін жасады. Әлемді жаулаған коронавирус індеті Қазақстанда тұратын барлық халықты алаңдататыны сөзсіз. Алайда Мемлекет басшысы мәлімдемесінде індетке шалдыққан адамдарға барлық қажетті көмекті көрсететінін атап айтты. Сонымен қатар бүгінде бүкіл еліміз дәрігерлер мен медицина қызметкерлерінің қайсарлығын жоғары бағалап, оларды адам өміріне араша түсіп жатқан бүгінгі күннің батырларына теңеді. Сондықтан, пандемияға қарсы күрестің алдыңғы легінде жүргендерге қосымша қолдау көрсету жөнінде шешім қабылдағанын жеткізді. Мемлекет басшысы айтқандай, ақ халатты абзал жандар бұдан да зор қолдауға лайық. Олар біз үшін басын бәйгеге тігіп, халық үшін қызмет атқаруда. Ал біз олар үшін үйде қалып, сақтық шараларын мүлтіксіз орындауға тиіспіз.
Күміс алқа иегері
Тохтиходжаева Рано
