Кетпен ауылының тұрғыны, Жалилов атындағы орта мектептің 10 сынып оқушысы Ақниет Акишова ауданда өткен «Мұқағали Мақатаев оқуларында» бас жүлдені иеленіп, облысқа жолдама алған. Ол жақтан да ақиық ақынның шығармаларынан бірінші орынды иеленіп, «Мәңгілік ел» құндылықтарын бойына сіңіре отырып, жаңа қазақстандық патриотизмнің бағытын терең меңгеру жолындағы белсенділігі мен ерекше қабілеттілігі және дарындылығы үшін республикалық байқауда ІІІ дәрежелі дипломмен марапатталған. Ақын өлеңдерін жатқа білетін талантты қыздың мәнері де ерекше.
