Жаңа Конституцияда ел бірлігі мен адам құқықтарының басты қағидат ретінде бекітілуі – еліміздің демократиялық даму жолында маңызды қадам болып табылады. Бұл бастама азаматтардың құқықтары мен бостандықтарын қорғауға кепілдік беріп қана қоймай, мемлекеттік басқару жүйесін халыққа қолжетімді әрі ашық етеді. Ел бірлігін Конституция деңгейінде нығайту арқылы қоғамдағы тұрақтылық, келісім және өзара түсіністік сақталады. Адам құқықтарының бірінші кезекте қарастырылуы – Қазақстанның халықаралық стандарттарға сәйкес, құқықтық мемлекет қағидаттарын берік ұстанатынын көрсетеді. Сондай-ақ, бұл халық пен билік арасындағы сенімді арттырып, азаматтардың өз елінің даму мәселелеріне тікелей қатысуына жол ашады. Жаңа Конституция жобасындағы бұл принциптер – еліміздің болашағы үшін сенімді негіз, халықтың өмір сапасын жақсарту мен құқықтық қауіпсіздікті қамтамасыз ететін басты бағыт болып табылады.
Джалилова Зиляхам
Ұйғыр аудандық Қазақстан халқы ассамблеясының мүшесі, Аудандық Аналар кеңесінің мүшесі, «Ұйғыр аудандық ұйғыр этномәдени орталығы» ҚБ-нің жанындағы «Нурани Аналар» кеңесінің төрағасы
