Мәлумки, өткән жили наһийәмиздә Сибир яриси ениқлинип, хелә һәләйкүмгә чүштуқ. Дегән билән, ветеринария саһасиниң мутәхәссислири вәзийәтни тез арида өз назаритигә елип, ағриқниң тарилип кетишигә йол қоймиди. Дәл вақтида қолға елинған чарә-тәдбирләрниң нәтиҗисидә тәвәмиздики әһвал турақланди. Синақни йеңип, Йеңи жилни йеқимлиқ йеңилиқлар билән башлидуқ.
Ениғирақ ейтсақ, вилайәт һакими Марат Султанғазиевниң қоллап-қувәтлиши билән наһийәдики ветеринария мутәхәссислириниң материаллиқ-техникилиқ базисини мустәһкәмләш үчүн чоң қәдәм ясалди. Йеза егилиги саһасини риваҗландуруш вә ветеринариялик хизмәтниң сүпитини яхшилаш мәхситидә Уйғур наһийәлик ветеринария бөлүмигә заман тәливигә лайиқхизмәт қилишқа имканийәт яритидиған «JAC T6», бири «Газ 231073» маркилиқйеп-йеңи йәттә машина пайдилинишқа берилди.
Йеңи жил һарписида наһийә һакими Бота Елеусизова ветеринария саһасиниң мутәхәссислирини тәбрикләп,тәнтәнилик рәвиштә йеп-йеңи төмүр тулпарларниң ачқучини тапшуруп бәрди. Һаким буни ветеринария саһаси мутәхәссислириниң бебаһа әмгигигә берилгән мунасип баһа дәп чүшәндүрди. Шундақла, йеңи машиниларниң саһа мутәхәссислириниң ишини йениклитип, йеза егилиги саһасиниң тәрәққиятиға оң тәсир қилидиғанлиғиға зор ишәнч билдүрди. Бу йеңилиқ турғунларниң мәйрәм һарписидики хошаллиғиға хошаллиқ қошти.
Сабирәм ӘНВӘРОВА
