Басты бет Көкжиек ҮЛГІЛІ СЫНЫП ПЕН ҮЛГІЛІ СЫНЫП ЖЕТЕКШІ

ҮЛГІЛІ СЫНЫП ПЕН ҮЛГІЛІ СЫНЫП ЖЕТЕКШІ

0
565

«Ұстаз болу – өз уақытын аямау, өзгенің бақытын аялау» дегендей, мұғалімдік ең қастерлі мамандық. Ол баланың, түгел ұрпақтың білімі мен тәрбиесіне жауапты тұлға. Әр мектептің мақтан тұтар, үлгі болар мұғалімдері бар. Олардың еңбектері оқушыларының жетістіктерімен бағаланады. №1 Шонжы мектеп-лицейінде де ең мақтаулы ұстазымыз туралы айтқым келді.10 «А» сынып жетекшісі, қазақ тілі мен әдебиеті пәнінің мұғалімі Спатаева Бақытгүл Болатбекқызы өз сыныбының нағыз жанашыры. Әр баласының жеңісі үшін бар білім мен тәжірибесін сарп етіп жүрген жан. Сыныбындағы оқушылары сайдың тасындай іріктелген. Ең үздік, ең тәрбиелі, ең білімді балалар деуге болады. Оған мысал келтіре аламын. Мектептегі олимпиадалар мен әртүрлі шаралардың көшбасында осы сыныптың оқушылары тұрады. Сөзім құрғақ болмауы үшін деректермен әңгімелейін. Хитахунова Нұрсанам Қазақстан тарихы бойынша жалпы білім беретін пәндер бойынша республикалық олимпиаданың облыстық кезеңінде 1орын, сондай-ақ Қазақстан тарихы пәнінен ауыл оқушыларына арналған «Ауыл» олимпиадасының республикалық кезеңінде 1 орынға ие болды.

Ибадулла Арина, Турганжанова Дильназ физика пәні бойынша ғылыми жобалар байқауының облыстық кезеңінде 1-орынды жеңіп алды, Юсупжанова Елгиза  жалпы білім беретін пәндер, ағылшын тілі пәндері бойынша республикалық олимпиаданың облыстық кезеңінде 3-орынды місе тұтса, Юрьев Амир информатикадан ауыл оқушыларының олимпиадасының республикалық кезеңінде 2 орын, информатикадан жалпы білім беретін пәндер бойынша республикалық олимпиаданың облыстық кезеңінде 2-орын, Тельманов Бахрам құқық негіздері пәні бойынша ауыл оқушыларының республикалық олимпиадасының облыстық кезеңінде 2-орын, Сұлтанқызы Медина  химия пәнінен жалпы білім беретін пәндер бойынша республикалық олимпиаданың аудандық кезеңінде 3-орын, Муталимова Амина география пәнінен жалпы білім беретін пәндер бойынша республикалық олимпиаданың аудандық кезеңінде 3 орын алып мектеп намысын қолдан бермеді. Білімді оқушы – мектептің мақтанышы. Мақтана алатын білімді  шәкірттеріңіз көп болсын, Бақытгүл Болатбекқызы. Ал біз сіздей мұғалімдермен мақтанамыз!

Ардақ ЕСКЕРМЕС,

№1 Шонжы мектеп-лицейі қазақ тілі мен әдебиеті пәнінің мұғалімі

БАСҚА ЖАҢАЛЫҚТАР

Алматы облысында 35 білім ордасы алғаш рет аттестаттаудан өтті

Былтыр Алматы облысындағы   299 білім беру  ұйымына мемлекеттік  аттестаттау жүргізілді.Нә…