Қазақстанда кезектен тыс президент сайлауы басталды. Қазақстанда дауыс беру таңғы 7.00-де басталып, кешкі 20.00-ге дейін жалғасады. Бірақ учаскелердің бәрі ондай кестемен жұмыс істей бермейді. Кейбір учаскелерде сайлаушылар тізіміндегі барлық сайлаушы таңдау жасаса, дауыс беру аяқталды деп жарияланады.
Алматы облысы Ұйғыр ауданындағы 38 сайлау учаскесіндегі 43418 сайлаушының 3 сағат ішінде, яғни 10.00-де 9840-ы дауыс беріп үлгерді. Бұл аудандағы барлық сайлаушылардың 23 пайызы екен. Бұдан ел азаматтарының саяси науқанға белсенді қатысып отырғанын аңғаруға болады. 
