Дөләт рәһбири Қасым-Жомарт Тоқаев Миллий қурултайниң бәшинчи жиғинида сөзлигән сөзидә:«Таза Қазақстан» – миллий идеологиямизниң аҗримас қисми. Тазилиқ хәлқимизниң адил нийити билән таза нийитидин башлиниду. Бу – әң алди билән кочиларни, өйләрни таза тутуш дегән сөз. Таза Қазақстан – чирайлиқшиарму, мәвсүммуәмәс, бу – күндиликти киши җаәтлик әмгәкниң нәтиҗиси. Тазилиқ тәртипни күчәйтиду, тәртип өз новитидә җавапкәрликни ашуриду. Мошу муһим концепцияни әвлатниң сәвийәсигә сиңдүрүш муһим. Биз шу вақиттила һәқиқий мәнада тәрәққийәт кәнвәалға қәдәм басидиған илғар әл болалаймиз» дегән еди. Президентимиз ейтқандәк, бу хәлиқни әтрап-муһитни қоғдашқа дәвәт қиливатқан муһим башланмиларниң биригә айланди.
Мәзкүр акцияниң асасий мәхсити — шәһәрләр билән йезиларни тазилаш, тәбиий байлиқларни сақлаш вә хәлиқниң экологиялик мәдәнийитини көтириштин ибарәт. Наһийәмиздә бу йөнилиштә тилға аларлиқ ишлар әмәлгә ашмақта.Шуниң бири – наһийәлик ички сәясәт бөлүминиң башланмиси билән барлиққа кәлгән челлендж.
Ениғирақ ейтқанда, наһийәлик ички сәясәт бөлүми, җәмийәтлик келишим вә наһийәлик Яшлар ресурслуқ мәркизиниң мутәхәссислири һәмкарлиқта наһийә мәркизиниң бир қатар кочилирини рәткә кәлтүрүп, көпкә үлгә болди. «Туғулған йәрниң тазилиғи» намлиқ челленджи арқилиқ улар аһалини экологиялик программини әмәлгә ашурушқа, җәмийәттә тазилиқ мәдәнийитини қелиплаштурушқа вә қоршиған муһитниң тазилиғи үчүн тәр төкүшкә чақирди. Шундақла ушбу челленджни наһийәлик мәдәнийәт, тилларни риваҗландуруш вә спорт бөлүми билән Қирғизсай йеза округиға йоллиди.
Ариға бир-икки күн селип, челленджни қобул қилған наһийәлик мәдәнийәт, тилларни риваҗландуруш вә спорт бөлүминиң хадимлири мәркизий истираһәт беғидики 300 гектар йәрни тазилиди. Бу изгү ишқа наһийәлик Мәдәнийәт өйи, Әл-Фараби намидики китапхана, наһийәлик тәнтәрбийә вә аммивий спортни риваҗландуруш, дөләт тилини оқутуш мәркәзлириниң хадимлири болуп, җәми атмиштин ошуқ адәм қатнашти. Истираһәт беғиниң тазилиғи – таза наһийәниң, мәдәнийәтлик җәмийәтниң көрүнүши демәкчи, новәттики челлендж наһийәлик иш билән тәминләш вә иҗтимаий программилар бөлүми билән Ақтам йеза округиға йолланди.
Буниңдин бөләк, наһийә һакими аппаратиниң хадимлири шу териқидики ишларни давамлаштуруп, бөлүм вә мәһкимә хадимлириниң қоллап-қувәтлиши билән Чонҗа йезисиниң төвәнки қисмини мәиший қалдуқлардин тазилап, ериқ вә өткәлләрдики лай-әхләтләрни жиғип, чөп басқан йәрләрни рәткә кәлтүрди. Шу җүмлидин, мәзкүр акция даирисидә Жарты баба әвлатлиринаһийәдики «Түп Тұқиян» истираһәт беғида шәнбилик ишлирини уюштуруп,бәш йүзгә йеқин мевә көчәтлирини тикти. Мана шундақ изгү башланмиларарқилиқ турғунлар тазилиқ ишлириниң күндилик турмушимизниң бир қисмиға айлиниши керәклигини яхши чүшәнди.
Сабирәм ӘНВӘРОВА
