Ұйғыр ауданы әкімінің қатысуымен «Конституциялық реформа: қоғамдық диалог» тақырыбында  кездесу өтті

Кездесудің мақсаты — елімізде жүзеге асырылып жатқан конституциялық реформалардың мәні мен мазмұнын түсіндіру, қоғам мен билік арасындағы ашық әрі сындарлы диалогты нығайту, сондай-ақ Мемлекет басшысының бастамаларын жергілікті деңгейде тиімді іске асыру мәселелерін талқылау болды. Кездесу барысында қатысушылар конституциялық өзгерістердің саяси жүйені жаңғыртудағы рөліне, азаматтардың қоғамдық-саяси үдерістерге қатысуын арттыруға және мемлекеттік басқару жүйесін жетілдіруге бағытталған негізгі тетіктерге тоқталды. Сонымен қатар қоғамдық келісімді сақтау, тұрғындардың пікірін ескеру және өзара сенімді арттыру мәселелері көтерілді. Кездесу соңында қатысушылар көтерілген мәселелер бойынша өз ұсыныстарын білдіріп, конституциялық реформаларды жүзеге асыруда бірлесіп жұмыс істеудің маңыздылығын атап өтті.