Мен ҚР Президенті жанындағы Стратегиялық зерттеулер институтының директоры Жандос Шаймардановтың «Конституциялық реформа азаматтардың кеңінен талқылауға қатысуына және қоғамдық қолдауға сүйенеді» деген пікірін толық қолдаймын. Себебі мемлекет үшін ең маңызды шешімдер халықтың қатысуымен қабылданғанда ғана шынайы нәтижеге жеткізеді.
Реформаның ашық түрде талқылануы – әр азаматтың өз ойын білдіруіне, ұсыныс айтуына және ел болашағына бейжай қарамай, белсенді болуына мүмкіндік береді. Бұл – демократиялық қоғамның айқын көрінісі. Халықтың пікірі ескерілген жерде сенім де, тұрақтылық та нығая түседі.
Сондықтан конституциялық реформаны мен елдің дамуына, әділдік пен заң үстемдігін қамтамасыз етуге бағытталған маңызды әрі дер кезінде жасалған қадам деп есептеймін. Мұндай өзгерістер Қазақстанның жарқын болашағына берік негіз қалайды.
“Қоғамдық келісім даму орталығы” КММ Ұйғыр аудандық бөлімінің басшысы А. Құсайынов
