Бүгін Қырғызсай ауылында «AMANAT» партиясы Ұйғыр аудандық филиалының ұйымдастыруымен көшпелі қоғамдық қабылдау өтті. Қабылдау шарасы Алматы облыстық мәслихат депутаты Илахунов Абдуманап Аблахаевич және аудандық мәслихат депутаты Ермұхаметова Салтанат Ешмұхаметқызының қатысуымен өтті.
Қабылдау барысында депутаттар ауыл тұрғындарының түрлі сұрақтарын тыңдап, оларды шешу жолдары бойынша кеңестер берді. Тұрғындар жол мәселесі, әлеуметтік көмек, білім беру мен денсаулық сақтау саласындағы өзекті мәселелерді көтеріп, нақты жауаптар алды.
«AMANAT» партиясы халықпен үнемі байланыста болуға және олардың проблемаларын шешуге бағытталған жұмысын жалғастыруда. Көшпелі қоғамдық қабылдаулар осы байланыс пен қатынасты нығайтып, әрбір тұрғынның мәселесін ескеруге мүмкіндік береді.
