Сыбайлас жемқорлық – заман ағысымен бірге өсіп-өркендеп, мол қаражат және қоғамдық бәсекелестік пайда болған жерлерге тамырын жайып, бүгінгі күнге дейін жойылмай отырған кеселдің бірі. Сыбайлас жемқорлық мемлекеттік органдардың тиісті қызмет атқаруына кері әсерін тигізіп, беделіне нұқсан келтіреді, заңды қағидаларды теріске шығарып, азаматтардың конституциялық құқықтары мен заңды мүдделерінің бұзылуына түрткі болады.
Сыбайлас жемқорлықтың алдын-алу шарасын қатаңдатуды Мемлекет басшысы Қасым-Жомарт Тоқаев өз үндеуінде баса айтты. Мемлекет басшысы сыбайлас жемқорлықпен күресте бүкіл қоғамның белсене атсалысып, жемқорлық жағдайларына жалпыға ортақ төзбеушілік қоғамын қалыптастыру маңызды екенін жеткізді.
Аудандық қазынашылық басқармасында да сыбайлас жемқорлыққа жол бермеу, сыбайлас жемқорлықтың алдын-алу, сыбайлас жемқорлыққа қарсы іс-қимыл туралы Заңының нормаларын сақтау мақсатында мекеме қызметкерлерімен техникалық оқулар жиі өткізіліп тұрады. 2015 жылғы 18 қарашадағы №410-V ҚРЗ «Сыбайлас жемқорлыққа қарсы іс-қимыл туралы» Заңына енгізілген өзгерістер мен толықтыруларды басқарма қызметкерлеріне уақытылы таныстырып, Заңның талаптарын сақтау туралы түсіндірме жұмыстарын жүргізіп тұрады. Сонымен қатар, мемлекеттік қызметші Заңда белгіленген шектеулерді сақтап, мүдделер қақтығысын болдырмау қажеттігі, жеке және заңды тұлғалардың өкілдерінен сыйлықтар алуға және қызметтік лауазымын пайдалану арқылы өзінің немесе отбасы мүшелерінің игіліктері үшін әрекеттер жасауға қатаң тыйым салынатындығын, өз лауазымдық міндеттерін асыра сілтеп пайдаланбауға, мемлекеттік қызметші әр іс-әрекеттері үшін Заңдылыққа сәйкес жауап беретіндігін атап өткен жөн. Басқарма қызметшілеріне мемлекеттік қызмет, сыбайлас жемқорлыққа қарсы іс-қимыл саласындағы заңнамаларды сақтау бойынша консультациялық көмек көрсетіліп, Әдеп кодексінің нормаларын тәжірбиеде қолдану мәселелерін түсіндіріліп және құқық бұзушылықтарды жасауға итермелейтін себептер мен шарттарды қызметкерлер арасында талқыланып тұрады. Басқарма қызметкерлері Қазынашылықтың біріктірілген ақпараттық жүйесі арқылы нормативтік-құқықтық заң талаптарын сақтай отырып, функционалды міндеттеме шеңберінде мемлекеттік мекемелерден келіп түскен қаржылық құжаттарды өткізу жұмысын жоғары деңгейде атқарып келеді. Осыған орай Ұйғыр аудандық қазынашылық басқармасы қызметкерлері сыбайлас жемқорлықтың алдын алуға және қоғамымызда туындамауына, жол берілмеуіне ат салысып келеді.
Жыл сайын қазынашылық органдары арқылы қаржылық құжаттардың орасан зор ағыны, яғни нақтылы ақшалай қаражаттың «көшкіні» өтеді. Ол бюджеттің нысаналы әрі тиімді қолданылуын бақылауды басты назарда ұстай отырып, бюджетті атқаруда осынау жауапкершілікті жұмысты абыройлы әрі адал атқару қазынашылық қызметкерлерінің ел экономикасына қосқан орасан зор үлесі екені белгілі.
Бүгінде біздің басқармада «Қазынашылық-клиент» ақпараттық жүйесі арқылы республикалық және жергілікті бюджеттерден қаржыландырылатын 36 мемлекеттік мекемеге, 1 квазимемлекеттік сектор субъектісіне қызмет көрсетіледі.
Біз, өз мамандығы бойынша еңбек етіп жүрген адамның кез келгені, елінің гүлденіп көркеюіне өзіндік үлес қосуды қалаймыз. Елдің дамуы әрбір азаматтың еңбек етуіне, отаншылдығына байланысты. Осы үшін бәріміз барымызды салып жүрміз деген пікірдегі қазынашыларымыздың қызметі бабында не істесе де халық мүддесі үшін атқаратын, ел болашағын бәрінен үстем көретін, саналы да білікті, кәсіби мамандарымыздың Қазақстанның гүлденіп көркеюіне қалтқысыз еңбегімен әлі де бағындырар асулары мол, әрі биік шыңдар мен межелерден көрінетініне сенім артамыз..
Қ.ЖАНҒАЗИЕВ,
аудандық қазынашылық басқармасының басшысы
