«Жастар және заң: сталкинг, қысым көрсету және олардың салдары» тақырыбында Шонжы Политехникалық колледжі студенттерімен кездесу өтті.

Кездесу барысында жастардың құқықтары, жеке бостандық және қауіпсіздік мәселелері кеңінен талқыланды. Сталкинг, психологиялық және физикалық қысым көрсету, сондай-ақ заң алдындағы жауапкершілік туралы түсіндірме жұмыстары жүргізілді. Студенттерге мұндай құқықбұзушылықтардың салдары мен алдын алу жолдары айтылып, нақты өмірлік мысалдар келтірілді.
Іс-шараның мақсаты – жастардың құқықтық сауаттылығын арттыру, өз құқықтарын қорғау дағдыларын қалыптастыру және зорлық-зомбылыққа төзбеушілік мәдениетін нығайту.
Кездесу соңында студенттер өздерін толғандырған сұрақтарын қойып, мамандар тарапынан толыққанды жауаптар алды.