Қазақстанда безгек 1967 жылы жойылды, сол жылдардан бері республика аумағында безгектің сырттан алыс жақын шет елдерден әкелінген жағдайлары ғана тіркеледі.
Безгек – бұл науқас адамнан сау адамға масаларының шағуы арқылы жұғатын паразитарлық ауру. Бүгінгі күні безгек ауруы дүние жүзінде денсаулық сақтау ісіндегі өзекті мәселе болып отыр. Олар тропиктік климатты елдерде таралған. Халықтың жаппай көші-қоны және әлемнің безгектің кең таралған аумағынан әкілініп, оның таралуына жағдайдың болуы жергілікті безгек ошағының пайда болуына әкелуі мүмкін.
Безгектің таралуының маңызы халықтың өзіне, олардың көмегі арқылы медициналық қызметкерлерге байланысты. Егер дене қызуы көтеріліп, басы ауырған, жалпы жағдайы нашарлаған адам, бірінші күні дәрігерге көрінуі қажет. Науқастың қанын микроскоп арқылы қарап, тек зертхана ғана диагнозды нақты қояды. Тропиктік және субтропиктік климатты мемлекеттерге барып келген азаматтар дәрігерге соңғы екі жылда қандай мемлекеттерде болғаны туралы айтуға міндетті.
Тек ерте анықталған безгек ауруы оның жазылуына және жұқпалықтың жұғуынан ескертуге көмектеседі.
Безгектің таратушылары ақырын ағатын көлшіктерде, сазда, бұрынғы өзен орындарында өмір сүреді. Олар адамға кешке күн батқан соң және ертең ерте шабуыл жасайды. Масаның шағуынан сақтану үшін тұрғын үйлердің есік және терезелерін жиі тормен немесе марлымен бекіту қажет. Ал үй ішінде маса болса аэрозолді инсектицидтермен, дәрілердің көмегімен жою қажет.
Өзіңізді масаның шағуынан қорғау арқылы, сіз безгектің ошағында тұрыпта безгекті жұқтырудан аулақ болыңыз.
Безгек дұрыс немесе өз уақытында емделмесе, ауыр өтіп, қан аздыққа, ағзаның әлсіреуіне, еңбек қабілетін төмендетуге әкеледі. Тропиктік безгек қайғылы жағдайға әкелуі мүмкін. Сол үшін де безгекпен науқастанған науқас дәрігердің айтқандарын толық орындауы қажет.
Безгекпен күрес және оның тұрғындар арасында таралуынан ескерту мемлекетіміздің әрбір азаматының міндеті.
Ш.АВТАХУНОВ,
аудандық СЭББ басшысы м.у.а.
