«Таразы» бастауыш партия ұйымының мүшелерімен кездесу өткізіліп, Қазақстан Республикасы Президентінің Жолдауында белгіленген негізгі міндеттер мен басым бағыттар түсіндірілді.
Кездесу барысында елдің әлеуметтік-экономикалық дамуы, халықтың тұрмыс сапасын арттыру, өңірлік инфрақұрылымды дамыту, әлеуметтік саланы жетілдіру және азаматтардың әл-ауқатын жақсарту мәселелеріне ерекше назар аударылды.
Сонымен қатар Жолдауда айтылған міндеттерді жүзеге асырудағы партия мүшелерінің рөлі мен қоғамдық белсенділіктің маңыздылығы атап өтілді.
Кездесу қатысушылары өз пікірлерін білдіріп, ұсыныстарын ортаға салды. Жиын ашық пікір алмасу форматында өтіп, Жолдауда белгіленген мақсат-міндеттердің маңыздылығы кеңінен талқыланды.
Осындай кездесулер халықпен байланысты нығайтып, ел дамуына бағытталған бастамаларды бірлесе жүзеге асыруға мүмкіндік береді.

