«Таза Қазақстан» экологиялық акциясы аясында Қырғызсай ауылдық округінде «Таза сенбілік» атты ауқымды іс-шара ұйымдастырылды. Аталған шараның басты мақсаты – қоршаған ортаны қорғау, ауыл аумағын таза ұстау және тұрғындардың экологиялық мәдениетін арттыру.
Сенбілікке ауылдың 50-ден астам белсенді тұрғыны қатысып, ортақ іске өз үлестерін қосты. Қатысушылар қоқыстарды жинап, айналаны ретке келтірді. Табиғатты аялаудың маңыздылығы жөнінде игі істің үлгісін көрсетті.
Мұндай шаралар ауыл тұрғындарын бірлікке шақырып, тазалық пен тәртіпті сақтауға деген жауапкершілікті арттырады. «Таза сенбілік» акциясы алдағы уақытта да жалғасын табады деп күтілуде.