Жастардың құқықтық сауаттылығын арттыру және Конституцияның маңызын түсіндіру мақсатында ауданның ауылдық округтеріндегі жастар нұсқаушыларымен «Менің құқығым – менің Конституциям» тақырыбында кездесу өтті. Кездесу аудандық Жастар ресурстық орталығының ұйымдастыруымен өткізілді. Кездесу барысында Қазақстан Республикасы Конституциясының негізгі қағидаттары, азаматтардың құқықтары мен бостандықтары, сондай-ақ жастардың қоғамдағы рөлі туралы пікір алмасу жүргізілді.
Кездесу барысында қатысушылар өз ойларын ортаға салып, құқықтық мәдениетті қалыптастыру және жастардың белсенділігін арттыру бағытында ұсыныстарын білдірді.
