Алдағы референдум ел өміріндегі маңызды белес болмақ. Жаңа Конституцияны қабылдау мәселесі тек құқықтық өзгеріс ретінде емес, мемлекеттің даму бағытын айқындайтын стратегиялық қадам ретінде қарастырылады. Бұл – қоғамдағы әділет, заң үстемдігі және адам құқығын қорғау қағидаттарын күшейтуге бағытталған кезең. Жаңартылған Негізгі заңның басты ерекшелігі – адамға бағдарлану. Мемлекет қызметінің өзегіне азаматтың құқығы, бостандығы мен қауіпсіздігі қойылады. Яғни реформалардың мақсаты – абстрактілі …

Конституциялық референдум – халықтың ел тағдырына немқұрайлы қарамайтынын көрсететін маңызды сәт. Осындай кезеңде қоғам болып бір мақсатқа ұмтылып, ортақ шешім қабылдау – мемлекеттің дамуына оң әсер етеді. Бұл – тек саяси процесс емес, сонымен қатар азаматтық жауапкершіліктің көрінісі. Османов Арлен Сеналұлы «Ұйғыр аудандық ұйғыр этномәдени орталық» ҚБ-нің төрағасы

Конституция – кез келген мемлекеттің негізгі заңы және даму бағытын айқындайтын құжат. Сол себепті оған енгізілетін өзгерістер мен толықтырулар халықтың қатысуымен қабылдануы өте маңызды. Референдум арқылы азаматтар елдің болашағына қатысты өз таңдауларын жасайды. Бұл – қоғамның пікірін тыңдаудың және халық сенімін арттырудың бір жолы. Ұйғыр аудандық мәслихат депутаты Надырханов Марғұлан Қожаханұлы

Елімізде өтіп жатқан конституциялық референдум – демократиялық қоғамның маңызды белгісі. Бұл – әр азаматқа өз ойын білдіруге, елдің болашағына қатысты шешім қабылдауға мүмкіндік береді. Мұндай бастамалар қоғамдағы жауапкершілікті арттырып, бірлікті нығайтады деп сенемін. Сондықтан әр адамның бұл процеске бейжай қарамағаны дұрыс. Ұйғыр аудандық мәслихат депутаты Ермухаметова Салтанат Ешмұхаметқызы

Конституциялық референдум – мемлекеттің болашағына тікелей әсер ететін маңызды саяси оқиға. Бұл тек заңға өзгеріс енгізу ғана емес, сонымен қатар қоғамның пікірін ескеріп, елдің даму бағытын айқындау мүмкіндігі. Осындай тарихи сәттерде әр азаматтың белсенді болуы өте маңызды деп ойлаймын. Себебі мемлекет тағдыры халықтың ортақ шешімі арқылы қалыптасады. Ұйғыр аудандық мәслихат депутаты Атагельдиев Берікбай Тұрлыбекұлы