Басты бет Ақпарат ағыны ХӘЛИҚ ҮЧҮН ХИЗМӘТТӘ

ХӘЛИҚ ҮЧҮН ХИЗМӘТТӘ

0
3,959

Телефон, телевизор, радио, компьютер… Һазир бу васитиларсиз бир күнүмизни көз алдимизға кәлтүрүшниң өзи тәс. Чүнки бу кәшпиятлар өмүр сүрүш үчүн бизгә һава, су, таам, йоруқ, иссиқ нәқәдәр зөрүр болса, шу қәдәр муһим орунни егилиди. Алдинқи қатардики тәрәққий әткән әлләрдә күндин-күнгә бу кәшпиятларниң йеңи модельлири ишләп чиқирилип, аләмни һәйран қалдурарлиқ өзгиришләр йүз бәрмәктә. Илим билән техникиниң хәлиқни алақә вә әхбаратлиқ хизмитиниң барлиқ түри билән тәмин етидиған саһаси у – телекоммуникациядур. 


Телекоммуникация – компьютерлиқ системилар билән һазирқи замандики техникилиқ электронлуқ бағлиниш қураллири асасида телефон системиси, спутникилиқ бағлиниш вә башқиму мәлуматларни жирақтин йәткүзүштә асасий хизмәтни атқуриду. Шуңа, телекоммуникация хадимлириниң хизмитини һәр қачан тилға елишқа әрзийду. Чүнки жирақни йеқин қилип, заман тәрәққиятини аһалигә йәткүзүп, турғунларниң заманивий қурал-үскүнләрни бемалал, қийинчилиқсиз пайдилинишида, мана шу әзиз җанларниң әмгиги зор. Бүгүнкидәк йеңилиқларға толуп-ташқан дәвирдә наһийәлик телекоммуникация саһасида күн санап өзгиришләрниң йүз беридиғанлиғи һәқ. Мошундақ зор мәсъулийәт, жавапкәрчиликни тәләп қилидиған кәсиптә, наһийәлик телекоммуникация саһасида әлликтин ошуқ хадим хәлиқ үчүн тинмай әмгәк әтмәктә.
28-июнь — алақә вә әхбарат хадимлириниң кәспий мәрикиси һарписида наһийәлик телекоммуникация имаритидә мәйрәмлик жиғин болуп өтти. Жилиға бир қетим келидиған, бу мәйрәмдә үлгилик хадимларниң әмгиги баһаланди. Наһийәлик телекоммуникация бөлүминиң башчиси Полат Җаппаровниң бу күни вилайәткә ишсәпәр билән кетишигә мунасивәтлик, жиғинни йетәкчи инженер Шахмурат Рошанов ечип, башчи намидин һәм өз намидин барлиқ кәсипдашлирини тәбрикләп, хадимларни риғбәтләндүрүш мәхситидә телекоммуникациядә 35 жилдин бу ян хизмәт қилип келиватқан Саһинур Миталипова, Майгүл Насирова, Турдахун Ишановлар һәм 30 жиллиқ әмгиги бар Майминәм Шамшидиноваға, 20-25 жиллиқ хизмәт йолида үлгилик хизмәт атқурған Тоқтарбай Алдибеков һәм Зәйтүнәм Сетвалдиеваларға «Пәхрий ярлиқлар» һәм наһийәлик «Қамқор» кәспий иттипақ бирләшмиси тәрипидин тәйярланған баһалиқ соғиларни тәғдим қилди. Жиғиндин кейин, телекоммуникация имарити бөләкчә мәйрәмлик кәйпиятқа бөләнди. Ейтип өтүш керәкки, Полат Җаппаров билән вилайәтлик жиғинға кәткән Марс Абдукаримовниң Алмутателеком тәвәлик телекоммуникация дирекцияси тәрипидин грамота билән мукапатланғанлиғи һәққидә хуш хәвәрни кәсипдашлири зор пәхирлиниш билән тилға елишти.
Бизму шу мунасивәт билән телекоммуникациядә хизмәт қиливатқан хадимларни қош хошаллиғи билән тәбрикләп, ишлириға муваппәқийәт, зор утуқларни тиләймиз.


Сабирәм
ӘНВӘРОВА

Добавить комментарий

Ваш e-mail не будет опубликован. Обязательные поля помечены *

БАСҚА ЖАҢАЛЫҚТАР

Алматы облысында ауыл тұрғындары мобильді қоғамдық қабылдаудың көмегіне жүгінді

        «AMANAT» партиясының мобильді қабылдау тобының ауылдарға сапары жалғасып жатыр    …